مختلف مقامات پر آتشزدگی سے لاکھوں روپے مالیت کا سامان جل کر تباہ 

لاہور(نامہ نگار)صوبائی دارالحکومت لاہور میں 3 مختلف مقامات پر آتشزدگی سے لاکھوں روپے مالیت کا سامان جل کر تباہ ہو گیا ہے۔ واپڈا ٹاؤن کے علاقے ای ون بلاک میں واقع سکول،تاج کمپنی بند روڈ کے علاقے میں ایک بجلی کی تار بنانے والی فیکٹری میں جبکہ ہال روڈ پر یاسین سٹریٹ، رحمت پلازہ میں موبائل ٹاور میں آتشزدگی سے لاکھوں روپے مالیت کا سامان جل کر خاکستر ہو گیا۔ اطلاع ملنے پر ریسکیو ٹیموں نے تینوں جگہ موقع پر پہنچ کر امدادی کارروائیاں کرتے ہوئے آگ پر قابو پالیا ہے۔ ریسکیو ذرائع کا کہنا ہے کہ کوئی بھی جانی نقصان نہیں ہواہے۔