گلگت(آئی این پی )نگر سے گلگت جانے والی ٹویوٹا ہائی ایس کھائی میں گرنے سے ایک شخص جاں بحق  جبکہ 15افراد زخمی ہوگئے ۔ریسکیو ذرائع کے مطابق ناصرآباد پل کے قریب وین ڈرائیور سے بے قابو ہو کر کھائی میں جا گری جس میں خواتین اور بچوں سمیت 16 افراد سوار تھے۔مسافر وین کے حادثے میں خواتین اور بچوں سمیت 15 افراد زخمی ہوئے جنہیں ہنزہ علی آباد اور نگر کے قریبی ہسپتالوں میں منتقل کر دیا گیا ہے۔  ذرائع کے مطابق افسوس ناک حادثہ ناصر آباد پل کے قریب پیش آیا ، حادثے میں ایک مسافر موقع پر دم توڑ گیا جبکہ 15زخمی ہو ئے ، نعش اور زخمیوں کو نگر سپتال منتقل کر دیا گیا۔