پھولنگر: جاوید ہاشمی کی شکست پر تحریک انصاف کے کارکنوں کی ریلی، گو نواز گو کے نعرے

پھولنگر (نامہ نگار) نواحی گاﺅں جمبرکلاں میں تحریک انصاف کے کارکنوں نے جاوید ہاشمی کی شکست پر ریلی نکالی اور ڈھول کی ٹھاپ پر رقص اور آتش بازی کا مظاہرہ بھی کیا۔ ریلی کے شرکاءنے گو نواز گوکے نعرے بھی لگائے۔
 ریلی میں چودھری مبارک علی، چودھری افتخار علی، عمران خانزادہ، حاجی شاکر، چودھری لیاقت، چودھری خوشی محمد، چودھری عارف سند وغیرہ نے شرکت کی۔
پنجاب ایگزامینیشن کمشن کا پنجم، ہشتم کے امتحان دوبارہ ضلعی سطح پر لینے کا فیصلہ
گوجرانوالہ (نمائندہ خصوصی) پنجاب ایگزامینیشن کمشن نے جماعت پنجم اور ہشتم کا پرانا امتحانی نظام بحال کرتے ہوئے ضلعی سطح پر امتحانات لینے کا فیصلہ کرلیاہے۔ اس سلسلے میں آئندہ چند روز میں باقاعدہ شیڈول کا اعلان متوقع ہے۔
پرچوں کی پرنٹنگ سمیت رزلٹ کے اعلان تک تمام مراحل ضلعی سطح پر مکمل کئے جائیں گے۔گذشتہ سال چھ اضلاع میں پرچے آﺅٹ ہونے کی وجہ سے نجی کمپنی کو ایک کروڑ کی مبینہ ادائیگی نہیں ہوسکی تھی۔ ذرائع کے مطابق گذشتہ سال پیک کے تحت امتحانات میں چھ اضلاع میں پرچے آﺅٹ ہونے اورنتائج میں اغلاط کی بھرمار کے بعد حکومت نے ضلعی سطح پر امتحانات لینے کافیصلہ کیاہے۔
پنجم، ہشتم/ امتحانات