سیدنور ”بھائی وانٹڈ“ کے نام سے فلم بنائیں گے

لاہور (کلچرل رپورٹر) معروف فلم رائٹر و ڈائریکٹر سید نور ”بھائی وانٹڈ“ کے نام سے نئی فلم بنا رہے ہیں۔ انہوں نے کہا ہے کہ فلم کا سبجیکٹ منفرد ہے۔ امید ہے کہ یہ فلم، فلم بینوں کو پسند آئے گی۔ انہوں نے کہا کہ اب فلم انڈسٹری کے حالات بہتری کی طرف جا رہے ہیں۔ اچھی اور معیاری فلمیں بننا شروع ہو گئی ہیں۔ نامعلوم افراد اور اپریشن 021 اچھی فلمیں ہیں۔ ایسی فلمیں بنائی جائیں تو لوگ دیکھنے کیلئے ضرور سینما گھروں میں جائیں گے۔ انہوں نے کہا کہ میں پُرامید ہوں کہ فلم انڈسٹری کا بحران جلد ختم ہو جائےگا۔