کراچی:پولیس کاسرچ آپریشن میں کالعدم تحریک طالبان سوات کے کمانڈرسمیت5 ملزمان گرفتار

کراچی کے علاقے منگھوپیرمیں پولیس نے سرچ آپریشن کرتے ہوئے کالعدم تحریک طالبان کے کمانڈرسمیت5 ملزمان گرفتار کرلیے،جبکہ47 مشتبہ افراد کوحراست میں لے لیا گیا ہے۔ایس ایچ او غلام حسین کورائی کے مطابق منگل کو جرائم پیشہ افراد کی موجودگی کی اطلاعات پرمنگھوپیر میں سرچ آپریشن کیا گیا۔آپریشن کے دوران گرفتار کالعدم تحریک طالبان سوات کے کمانڈر گل نواب دہشت گردی کی کارراوئیوں اور اسلحے کی سپلائی میں ملوث ہے۔کارروائی میں دیگر4 ملزمان بھی گرفتار کر لیئے گئے ہیں۔ گھر گھر تلاشی کے دوران47 مشتبہ افراد کو حراست میں لے لیا گیا، جنہیں بعد میں تھانے منتقل کر دیا گیا ہے۔دوسری جانب ضلع وسطی کے علاقوں کوثر نیازی کالونی، شادمان ٹاون اور خواجہ اجمیر نگری میں پولیس اور رینجرز نے مشترکہ سرچ آپریشن کیا۔ جس میں 50افراد کو زیر حراست لیا گیا ہے ۔ سرچ آپریشن ایف سی ایریا میں امام بارگاہ پر کریکر حملے کے بعد ملزمان کی گرفتاری کے لئے کیا گیا۔