حبیب جالب کی صاحبزادی طاہرہ جالب کے ا ڑھائی مرلہ مکان کا بجلی کا بل 75 ہزار روپے، کئی ماہ کا بل ہے، قسطیں کردیں، جمع کرانا پڑے گا: لیسکو

لاہور (کامرس رپورٹر) انقلابی شاعر حبیب جالب کی صاحبزادی طاہرہ جالب کے اڑھائی مرلے کے مکان کا بجلی کا بل لیسکو نے 75 ہزار روپے بھجوا دیا ہے۔ اس ضمن میں طاہرہ جالب کی جانب سے شکایت کرنے پر لیسکو حکام نے بل کم کرنے کی بجائے قسطیں کرنے کا کہہ دیا ہے۔ ان کا کہنا ہے کہ حکومت کی جانب سے ان کی والدہ کو ملنے والا وظیفہ بھی بند ہوگیا ہے اور ایک نجی کمپنی میں ٹیکسی سروس میں بطور کیپٹن کام کرکے گزارہ کررہی ہیں۔ اس حوالے سے لیسکو حکام نے رابطہ کرنے پر بتایا ہے کہ طاہرہ جالب کابجلی بل درست ہے اس میں گزشتہ مہینوں کے بقایا جات شامل ہیں۔ میٹر پر ریڈنگ بھی چیک کی گئی ہے جوٹھیک ہے اس لئے طاہرہ جالب کو بجلی کا بل جمع کرانا پڑے گا اور ان کے بل کی صرف قسطیں ہی ہوسکتی ہیں۔