لاہور (نیوز ڈیسک)آسکر ایوارڈ یافتہ پاکستانی فلم ساز شرمین عبید چنائے کو فلمسازی، عورتوں کے حقوق کیلئے جدوجہد اور ان کی جرأت مندانہ قیادت اور خدمات کے اعتراف میں گلوبل لیڈرشپ انعام سے نوازا گیا ہے۔ اس حوالے سے نیویارک میں گلوبل لیڈرشپ کانفرنس جو چند روز سے جاری ہے میں ٹالبرگ فائونڈیشن کی طرف سے دیا گیا ایوارڈ وصول کرتے ہوئے شرمین عبید نے کہا کہ ایسے وقت میں جب معاشرے کو آئینہ دکھانے کی بھاری قیمت چکانی پڑتی ہو انہیں ایلسین گلوبل لیڈرشپ ایوارڈ کا ملنا باعث فخر بات ہے۔