لاہور (سپورٹس رپورٹر) پاکستان ویمن سیونز رگبی ٹیم ایشین سیونز ویمن رگبی ٹرافی میں شرکت کیلئے آج برونائی روانہ ہوگی۔ پاکستان رگبی یونین کی طرف سے اعلان کردہ ٹیم میں 12 رکنی ٹیم اورتین رکنی مینجمنٹ شامل ہیں۔ ٹیم میں کپتان جویریہ حسن، وحیہ کریم، ارم شہزادی، نمرا مریم، ثناء حنیف، راحیلہ، عمارہ، زاہدہ پروین، آمنہ سراج، بشریٰ رشید، رمشا خان، مریم آصف بٹ شامل ہیں جبکہ مینجمنٹ میں ہیڈ کوچ سوزن مارگیٹ ڈائوسن، حدیل نیازی مینجر جبکہ شمائلہ یعقوب فزیو ہیں۔ میڈیا سے گفتگو کرتے ہوئے ہیڈ کوچ سوزن مارگیٹ کا کہنا تھا کہ لڑکیوں میں بہت پوٹنیشنل اور ٹیلنٹ ہے۔مجھے امید ہے کہ پاکستانی ٹیم ایشین رگبی چیمپئن شپ میں اچھے کھیل کا مظاہرہ کرکے جیتنے کی بھرپور کوشش کرے گی۔ پاکستانی ویمن رگبی ٹیم 20 اور 21 اکتوبر کو برونائی میں ایشین رگبی ویمن سیونز ٹرافی میں شرکت کرے گی۔