پاک فضائیہ کی اصغر خان اکیڈمی رسالپور میں کیڈٹس کی پاسنگ آئوٹ پریڈ جاری ہے۔صدر مملکت ڈاکٹر عارف علوی تقریب کے مہمان خصوصی ہیں۔ائیرچیف مجاہد انور خان نے صدر مملکت کا استقبال کیا۔  اس موقع پر غیر معمولی کارکردگی کا مظاہرہ کرنے والے کیڈٹس میں میڈلز اور شیلڈز تقسیم کریں گے۔مجموعی طور پر چار سو سے زائد کیڈٹس جن میں ایک سو چالیس جی ڈی پائلٹ ہیں پاس آؤٹ ہوئے ہیں۔

تقریب میں کیڈٹس کی جانب سے قومی ترانہ پڑھا گیا، پاسنگ آؤٹ پریڈ میں 140جی ڈی پائلٹ، 86 انجینرنگ کیڈٹس شامل ہیں، پریڈ میں 96 ائیرڈیفنس اور 21 ایڈمن کورس کے کیڈٹس شریک ہیں۔ سعودی سفیرنواف المالکی بھی تقریب میں موجود ہیں۔