لاہور: دو بار آسکر ایوارڈ اپنے نام کرنےوالی نامور پاکستانی فلم میکر شرمین عبید چنائے نے" ایلیسن گلوبل لیڈر شپ ایوارڈ" بھی اپنے نام کر لیا۔
شرمین عبید چنائے کو یہ اعزاز نیویارک میں قائم ٹل برگ فاؤنڈ یشن کی جانب دیا گیا۔ انہیں یہ اعزاز ایلیسن گلوبل لیڈر شپ پرائز عالمی سطح پر معاشرتی مسائل اجاگر کرنے پر دیا گیا ہے۔
فاونڈیشن کو دیئے انٹرویو میں انہوں نےکہا کہ ان کی بنائی شارٹ فلمز سے دنیا کو آگاہی ملی، غیرت کے نام پر خواتین کے قتل اور تیزاب گردی کے خلاف کوششیں مزید تیز کرنے کی ضرورت ہے۔
