لاہور(نمائندہ سپورٹس+سپورٹس رپورٹر) بائولنگ کوچ وقار یونس نے دورہ آسٹریلیا کیلئے محمد عامر اور وہاب ریاض کی ٹیسٹ ٹیم میں واپسی کا امکان مسترد کردیا۔انہوںنے کہا کہ دونوں سینئرز فیصلہ کرچکے، ان کیساتھ پہلے بھی اس حوالے سے بات کی گئی تھی لیکن انہوں نے واپسی کا کوئی ارادہ ظاہر نہیں کیا۔ ڈومیسٹک ٹی ٹونٹی کپ میں نوجوان کرکٹرز کو مناسب مواقع نہیں دیئے گئے، ہر پلیئنگ الیون میں کم ازکم 2 انڈر19 کرکٹرز کی شمولیت لازمی قرار دی جانا چاہیے تھے۔