مریم نواز نے نیازی حکومت کے خلاف طبل جنگ بجادیا: سردار شہزاد عاصی

کراچی(نیوز رپورٹر) مسلم لیگ(ن) سکھر کے سابق ضلعی صدر سینئر رہنما سردار شہزاد عاصی نے گذشتہ روز پارٹی ورکرز کے قافلے کے ہمراہ فیصل آباد پی ڈی ایم کے جلسے میں شرکت کی۔ اس موقع پر انہوں نے کہا کہ پی ڈی ایم کے جلسے میں پارٹی کی سینئر مرکزی نائب صدر مریم نواز کے خطاب نے نااہل عمران  حکومت کے خلاف طبل جنگ بجادیا ہے۔ سردار شہزاد عاصی نے کہا کہ ملک میں مہنگائی کے طوفان نے قوم کو ہلاکر رکھ دیا ہے۔ پیٹرولیم مصنوعات کی قیمتوں میں حالیہ ہوشربا اضافہ عوام پر بجلی بن کر گرا ہے جس کی جتنی مذمت کی جائے کم ہے ۔ شہزاد عاصی نے کہا کہ نیازی حکومت کی ملک و قوم دشمن پالیسیوں نے ملک کا دیوالیہ نکال دیا ہے۔