کراچی (سٹی نیوز)مرکزی انجمن میلاد النبی  ﷺ کے ناظم اعلیٰ حاجی عبدالقیم سحر نے کہاہے کہ ملک کے مشہور و معروف ثناء خواں معین قادری کی شعبہ نعت میں گراں قدر خدمات کے پیش نظران کی تاج پوشی کی جائے گی، انجمن کے تحت فائنل مقابلہ حسن نعت میں آج مورخہ 18اکتوبر 2021 بمطابق11ربیع الاول بعد نماز عشاء کورنگی نمبر5کے میدان اہلسنت میں منعقد ہوگا ،نیز بدایونی فیملی کی جانب سے جشن ربیع الاول کے سلسلے میں تقریباََ نصف صدی سے تقریبات جشن میں نمایاں خدمات سرانجام دینے پر اس خاندان کے عظیم فرزند جناب محمد علی کی دستار بندی اس غرض سے کی جائیگی کہ یہ سلسلہ قیامت تک جاری و ساری رہے۔ مقیم سحر نے اسی بیان میں جشن ربیع الاول کے سلسلے میں جلوس صبح بہاراں (قدیمی) جوکہ مورخہ 19اکتوبربروز منگل بمطابق 12ربیع الاول صبح 9بجے کورنگی نمبر1اور لانڈھی نمبر1سے بالترتیب روڈ 12000سے برآمد ہوکر کورنگی نمبر5کے میدان اہلسنت میں اختتام پذیر ہونگے جس میں میلاد کانفرنس کے بڑے جلسے میں علمائے اکرام بصیرت افروز خطابات کرینگے۔