کوٹ ادو(خبر نگار) ملک بھر کی طرح کوٹ ادو میں بھی جشن عید میلادالنبی جوش وجذبے کے ساتھ منایا جائے گا، ریلوے روڈ جی ٹی روڈ کوٹ ادو عظیم الشان چراغاں کا اہتمام کیاگیاہے، رات کے وقت ریلوے روڈ اور جی ٹی روڈ پر پْر کیف سماں ہے،دور دراز سے لوگ اس منظر کو دیکھنے کیلئے آرہے ہیں اور اپنے دلوں میں عشق رسولؐ کی شمع کوروشن کررہے ہیں،کوٹ ادو میں سب سے بڑا جلوس مدرسہ عربیہ شمس العلوم جی ٹی روڈ سے نکالا جائے گا جس میں مختلف مقامات سے نکلنے والے جلوس اس میں شامل ہو جائیں گے جوکہ مدرسہ فیضان مدینہ اختتام پذیر ہوں گے۔