شا ہدرہ : جھگڑے کے دوران فا ئرنگ سے 3بھائی قتل ، راہگیر زخمی

لاہور (نامہ نگار) شاہدرہ کے علاقہ جہانگیر پارک میں لڑائی جھگڑے کے دوران فائرنگ کے نتیجے میں 3 بھائی 40 سالہ حافظ ذیشان اور 35 سالہ مسعود یعقوب‘ طاہر محمود موقع پر جاں بحق‘ 53 سالہ راہگیر اصغر علی شدید زخمی ہوگیا۔  حملہ آور موقع سے فرار ہو  گئے‘ پولیس اور ریسکیو ٹیموں نے موقع پر پہنچ کر زخمی اصغر علی کو طبی امداد کے لئے ہسپتال منتقل کیا۔ پولیس نے فرانزک ٹیم کی مدد سے شواہد اکٹھے کر کے دونوں نعشیں پوسٹ مارٹم کے لئے مردہ خانے جمع کروا کر قانونی کارروائی شروع کر دی۔ بتایا جاتا ہے مقتولین میں 2 بھائی حافظ قرآن تھے‘ تیسرا سرکاری ملازم تھا۔ پولیس نے بھی تصدیق کی فائرنگ سے تین بھائی جاں بحق ہو گئے۔ فائرنگ کرنے والا ملزم طاہر رضا اسکے ساتھی فرار ہو گئے۔ اطلاع ملنے پر پولیس کی بھاری نفری موقع پر پہنچ گئی۔ سی سی پی او لاہور غلام محمود ڈوگر اور آئی جی آپریشنز لاہور چودھری سہیل نے نوٹس لیتے ہوئے ملزموں کی فوری گرفتاری کے لئے ٹیمیں تشکیل دے دی ہیں۔