لاہور(یواین پی)سابق قومی کپتان اظہرعلی کا کہنا ہے کہ پاکستانی ٹیم ٹی ٹوئنٹی ورلڈ کپ میں کسی بھی ٹیم کو شکست دے سکتی ہے  تاہم ایونٹ کے دوران چھوٹی یا بڑی کسی بھی ٹیم کیخلاف مقابلے دباؤ سے لبریز ہوں گے اور وہ ٹیم کے ساتھ جانے والے ہر کھلاڑی کیلئے نیک خواہشات کا اظہار کرتے ہیں۔ویمن واکاتھون کے انعقاد کے موقع پر احمد شہزاد،امام الحق اور فہیم اشرف نے بھی گرین شرٹس کی کامیابی کی توقع ظاہر کی اور اسکواڈ میں شعیب ملک کی واپسی پر خوشی کا اظہار کیا۔