راولپنڈی (سٹاف رپورٹر)منیجر پتریاٹہ چیئرلفٹ اعجاز احمد بٹ نے کہا ہے کہ نبی آخرالزمان حضرت محمد کی ولادت نوع انسانیت کی فلاح کا باعث بنی کیونکہ انہیں تمام جہانوں کے لئے رحمت بنا کر بھیجا گیا تھا - ایک ایسے وقت میں ان کی ولادت باسعادت ہوئی کہ اس وقت انسانیت ان گنت مسائل سے دوچار تھی معاشرتی ابتری عروج پرتھی جس کی بناءپر رحمت خداوندی جوش میں آئی اور آپکی بعثت ہوئی جس نے آج سے چودہ سو سال قبل اللہ تعالی کا پیغام پہنچایا اور معاشرتی برائیوں کا قلعہ قمعہ کر کے انسانیت کو وہ رہنماءاصول عطا کئے جو رہتی دنیا تک مشعل راہ ہیں ،انہو ںنے ان خیالات کا اظہار پتریاٹہ چیئرلفٹ انتظامیہ کی طرف سے منعقدہ محفل میلا د سے خطاب کے دوران کیا - تقریب میں نعت خواں حضرات نے ہدیہ تبریک پیش کیا اور علماءکرام نے حضورپاک کی سیرت کے روشن پہلوں کو اجاگر کیا اور بتایا کہ کس طرح ہم اسوة حسنہ پر عمل پیرا ہوکر ہم دنیا و آخرت میں سرخروہو سکتے ہیں -