حیدرآباد(بیورو رپورٹ)حیدرآباد پولیس کا تھانہ ہٹڑی کی حدود صادق لیونا کے قریب ڈاکوؤں سے مقابلہ، 4 ڈاکو ہلاک ہوگئے جبکہ دیگر ملزمان موقع سے فرار ہونے میں کامیاب ہوگئے۔ہلاک ہونے والوں کی شناخت طاہر عرف ماموں عرف قاسم، عاقب مستوئی، ظہیر ابڑو اور انیس چنا کے ناموں سے ہوئی پولیس مقابلے میں ایک پولیس اہلکار اسد چنا زخمی ہوگیا جسے فوری طبی امداد کیلئے اسپتال منتقل کردیا گیا ۔جائے وقوعہ سے پولیس کو 5 کروڑ 10 لاکھ روپے کیش رقم برآمد ہوئی۔ہلاک ڈاکوؤں کی لاشوں کو اسپتال منتقل کردیا گیا جبکہ فرار ڈاکوؤں کی گرفتاری کیلئے حیدرآباد کے تمام داخلی و خارجی راستوں پر سخت ناکہ بندی  اور دیگر مقامات پر چھاپے مارے جارہے ہیں۔
 حیدرآباد پولیس مقابلہ