پشاور(بیورورپورٹ) تحریک انصاف نے پیر کے روز یوم تشکرمنایا یوم تشکر کے طور پر حلیم ٹائور نشتر آباد سے ریلی نکالی گئی ریلی کے شرکاء نے بینرزاورپلے کارڈ اٹھا رکھے تھے جس پر تحریک انصاف کے سربراہ عمران خان کی حمایت میں نعرے درج تھے ریلی کے شرکاء نے مٹھائیاں تقسیم کیں اور ڈھول کی تھاپ پر رقص کیا اس موقع پر گل پاشی بھی کی گئی یوم تشکر کی قیادت انصاف ٹریڈ ونگ کے عاطف حلیم اور زبیر قریشی کر رہے تھے ، ریلی کے شرکاء نے اس سے قبل شرکانے کے نوافل ادا کئے ریلی نشتر آباد سے شروع ہو کر جی ٹی روڈ سے گزرتے ہو ئے ہشتنگری چوک پر اختتام پذیرہوئی ریلی کے شرکاء سے خطاب کرتے ہوئے انہوں نے کہاکہ تحریک انصاف کے سربراہ عمران خان کی کامیابی سے ثابت ہوا ہے کہ پختونخوا تحریک انصاف کا مضبوط گڑھ ہے تینوں سیٹیں جیت کر پی ٹی آئی سرخرو ہو گئی ہے پی ڈی ایم کی صفوں میں صف ماتم مچ گیا ہے تحریک انصاف نے کامیابی کا ریکارڈ توڑ دیا ہے این اے 237میں دھاندلی ہو ئی ہے حاجی غلام احمد بلور اور مولانا قاسم انتہائی قابل احترام شخصیات ہیں تاہم دونوں شخصیات دھوکے کا شکار ہو گئے صوبائی حکومت نے کسی قسم کے کوئی سرکاری میشنری نہیں استعمال کی اور نہ ہی کوئی سازش کی گئی سازش نہیں بلکہ عوام کی محبت کے باعث عمران خان نے کامیابی حاصل کی ہے 
 یوم تشکرمنا