کرکرکٹ ایسوسی ایشنز ، بلوچستان نے سدرن پنجاب کو ہرا دیا

اچی(اے پی پی)کرکٹ ایسوسی ایشنز چیمپئن شپ کے چوتھے رائونڈ کے تیسرے دن کا کھیل پیر کو مکمل ہو گیا۔52اوور میں تین وکٹ پر 159رنز کے اوور نائٹ اسکور پر اپنی دوسری اننگز دوبارہ شروع کرتے ہوئے سدرن پنجاب کی ٹیم 93ویں اوور میں 282رنز بنا کر آئوٹ ہو گئی۔ رمیز عالم نے ٹورنامنٹ کی اپنی دوسری سنچری اسکور کی۔ دائیں ہاتھ کے بلے باز نے 223گیندوں پر 16چوکے لگا کر 107رنز بنائے۔ کپتان معین الدین دوسرے نمایاں رنز بنانے والے کھلاڑی تھے جنہوں نے 62گیندوں پر 43رنز بنائے اور8 چوکے لگائے۔بلوچستان کے دائیں ہاتھ کے تیز رفتار گوہر فیض نے 101کے عوض پانچ وکٹیں حاصل کیں۔ انہوں نے میچ میں 8وکٹیں حاصل کیں۔جیت کے لیے 78رنز کے تعاقب میں بلوچستان نے ہدف 18ویں اوور میں ایک وکٹ کے نقصان پر حاصل کر لیا۔ پہلی اننگز کے سنچورین عبدالحنان بنا کر ناقابل شکست لوٹے جس میں8 چوکے شامل تھے۔ ناصر خان نے ناقابل شکست 26رنز بنائے اور دوسری وکٹ کے لیے 74رنز کی ناقابل شکست شراکت قائم کی۔ سندھ کی ٹیم 103اوورز میں 218رنز پر ڈھیر ہوگئی۔ جواب میں خیبرپختونخوا نے تیسرے دن کے اختتام پر 64اوورز میں چار وکٹوں پر 230رنز بنا لیے ہیں۔ معاذ صداقت اور مہران ابراہیم نے نصف سنچریاں اسکور کیں۔سندھ کے دانش عزیز جنہوں نے پہلی اننگز میں پانچ وکٹیں حاصل کیں، 49کے عوض دو وکٹیں حاصل کیں۔این بی پی اسپورٹس کمپلیکس میں ایک وکٹ پر 112رنز پر اپنی دوسری اننگز دوبارہ شروع کرتے ہوئے، ناردرن 83ویں اوور میں 271رنز پر ڈھیر ہوگئی۔ عمیر مسعود نے 84رنز بنائے۔ سنٹرل پنجاب کی جانب سے بلال آصف اور بلاول اقبال نے تین تین وکٹیں حاصل کیں۔ نثار احمد اور بلاول بھٹی نے دو دو وکٹیں حاصل کیں۔جیتنے کے لیے 366رنز کا تعاقب کرتے ہوئے سنٹرل پنجاب نے 34اوورز میں چار وکٹوں پر 137رنز بنا لیے ہیں۔ اوپننگ بلے باز رضوان حسین نے 102گیندوں پر 12چوکوں کی مدد سے ناقابل شکست 77رنز بنائے۔ عمر اکمل نے 30رنز بنائے۔ناردرن کے منیر ریاض نے پانچ اوورز میں 21 رنز دے کر دو وکٹیں حاصل کیں۔