یوٹیلٹی سٹورز پر گھی 23 سے 36، کوکنگ آئل 35 روپے لٹر تک سستا

لاہور(کامرس رپورٹر) یوٹیلٹی سٹورز پر معروف برانڈز کے گھی اور کوکنگ آئل کی قیمتوں میں کمی کر دی گئی۔ معروف برانڈزکے گھی کی قیمت میں 23روپے فی کلو سے لے کر 36 روپے تک کی کمی کی گئی ہے۔ جبکہ کوکنگ آئل کی قیمتوں میں 13 روپے سے 35 روپے فی لیٹر کی کمی کی گئی ہے۔ 23روپے کمی سے ایک برانڈ کے گھی کی فی کلو قیمت 505روپے سے کم ہو کر 482روپے جبکہ 36روپے کمی سے دوسرے برانڈ کے گھی کی قیمت 535روپے سے کم ہو کر 499روپے فی کلو کی سطح پر آ گئی۔ ایک برانڈ کے کوکنگ آئل کی قیمت13روپے کمی سے 498 سے کم ہو کر 485روپے فی لیٹر جبکہ دوسرے برانڈ کے کوکنگ آئل کی قیمت 35روپے کمی سے 505سے کم ہو کر 470 روپے فی لیٹر ہو گئی۔ نئی قیمتوں کا اطلاق فوری طور پر کر دیا گیا ہے۔