گوجرانوالہ (نمائندہ خصوصی ) موسم سرد ہوتے ہی شہریوں نے گرم کپڑے،سویٹر اور جیکٹس خریدنے کیلئے لنڈا بازاروں کا رُخ کر لیا۔ تفصیلات کے مطابق موسم سرما کا آغاز ہوتے ہی عوام بڑی تعداد میں لنڈا بازاروں کا رُخ کرنے لگے اور خود کو سردی سے محفوظ کرنے کیلئے سویٹر،جیکٹس اور گرم کپڑوں کی خریداری میں مصروف دکھائی دیئے‘ تاہم مہنگائی کے باعث امسال لنڈا بازاروں میں بھی اشیاءکی قیمتیں پچھلے سال کی نسبت زیادہ ہے جس نے عوام کو تشویش میں مبتلا کر دیا ہے دوسری جانب شہری آن لائن بھی خریداری کو ترجیح دینے لگے۔