ن لیگ غریبوں کے حقوق کی جنگ لڑ رہی ہے :چوہدری شہباز 

شیخوپورہ(نمائندہ نوائے وقت)مسلم لیگ (ن) کے ضلعی رہنما و امیدوار پی پی 143چوہدری شہباز چھینہ نے کہا ہے کہ 21 اکتوبرکو میاں نواز شریف کا پاکستان پہنچنے پر والہانہ استقبال کیا جائے گا پارٹی کارکنان سمیت ہر طبقہ کے افراد استقبال کی تیاریوں میں مگن ہیں، (ن) لیگ کے ادوار حکومت میں جتنی پاکستان نے ترقی کی اس کی مثال 75 سالوں میں نہیں ملتی (ن) لیگ ملک کی تعمیرو ترقی و خوشحالی اور غریبوں کے حقوق کی جنگ لڑ رہی ہے عوام کے دلوں کی دھڑکن صرف میاں نواز شریف ہیں، میاں محمد نواز شریف نے ہر دور میں اقتدار میں آکر پاکستان کو مسائل اور بحرانوں کی دلدل سے اپنی صلاحیتوں کو بروئے کار لاتے ہوئے صحیح سمت میں لا کھڑا کیا ہے۔