بابا گورونانک ہاکی میلہ 6 نومبر سے شروع ہوگا

ننکانہ صاحب (نامہ نگار) سکھ مذہب کے بانی بابا گورونانک کے 555 ویں جنم دن کی تقریبات کے سلسلہ میں بابا گورونانک ہاکی کلب ننکانہ کے زیراہتمام ہاکی میلہ 6 نومبر سے شروع ہوگا۔ چیئرمین بابا گورونانک ہاکی اکیڈمی سردار امولک سنگھ گاکھل آف امریکہ افتتاحی میچ میں بطور مہمان خصوصی شرکت کریں گے۔ نیشنل ہاکی سٹیڈیم شاہ کوٹ میں ہونیوالے ہاکی کے مقابلوں میں ملک بھر سے آٹھ ٹیمیں حصہ لیں گی جس کا فائنل میچ 10 نومبر کو کھیلا جائے گا۔