تتلیعالی +کامونکی(نامہ نگار،نمائندہ خصوصی)مختلف ٹریفک حادثات میں کمسن بچے سمیت تین افراد جاںبحق دو افراد شدید زخمی ہوگئے۔  نواحی درگاہ پور کا 17 سالہ عنصر مجید موٹر سائیکل پرتھا تیز رفتار ٹریکٹر ٹرالی نے اسے بری طرح کچل دیااور وہ موقع پر ہی دم توڑ گیا۔گوجرانوالہ کا15 سالہ سمیر اور 6 سالہ ایان کے موٹر سائیکل کو تتلے عالی کے قریب تیز رفتار کار نے انہیں ٹکر ماردی جس سے ایان موقع پر چل بسا اور سمیر شدید زخمی ہوگیا۔ شیخوپورہ کے موٹر سائیکل سوار35سالہ زین قمر اور اسکے دوست طلحہ کو بیگ پور کے قریب مخالف سمت سے آنے والی ٹریکٹر ٹرالی نے کچل دیا جس سے زین قمر موقع پر ہی جاں بحق ہوگیا ۔جبکہ طلحہ شدید زخمی ہوگیا۔صدر اور تتلے عالی پولیس نے نعشوں کو پوسٹمارٹم اور زخمیوں کو علاج معالجہ کیلئے ہسپتالوں میں منتقل کرکے تفتیش شروع کردی ہے۔