گوجرانوالہ(نمائندہ خصوصی )گوجرانوالہ چیمبر آف کامرس اینڈ انڈسٹری کے وفدنے کلیکٹرکسٹم سمبڑیال سائر ہ آغا سے اہم ملاقات کی۔ جبکہ وفد کی قیادت صدر گوجرانوالہ چیمبر رانا محمد صدیق خاں نے کی۔وفد میں سابق صدور میاں عمر سلیم و دیگر شامل تھے۔صدر چیمبر رانا صدیق خاں نے وفدکی قیادت کرتے ہوئے کہا کہ اس وقت بزنس کمیونٹی کو EFSاورکسٹم کے حوالے سے مسائل درپیش ہیں ہماری گزارش ہے کہ ایک کمیٹی بنائی جائے جو ان مسائل کو باہمی مشاورت سے حل کرے اس وقت بزنس کمیونٹی کو بے شمار چیلنجز کا سامنا ہے جتنی آسانیاں دیں گے ریونیو میں اضافہ ہوگا۔