کوئٹہ + پشاور (نوائے وقت رپورٹ + این این آئی) کوئٹہ میں خروٹ آباد کی دکان میں دھماکہ ہو گیا۔ پولیس حکام کے مطابق دھماکے میں ایک شخص زخمی ہوا، طبی امداد کیلئے ہسپتال منتقل کر دیا گیا ہے۔ دھماکے کی نوعیت معلوم نہیں ہو سکی۔ دریں اثناء پشاور میں علاقہ ارمڑ میں پولیس کی گاڑی کے قریب دھماکا ہوا۔ پولیس کے مطابق دھماکا سڑک کنارے نصب بارودی مواد پھٹنے سے ہوا جس سے پولیس کی گاڑی کو نقصان پہنچا۔ دھماکے کی جگہ سے دیسی ساختہ بم بھی برآمد کیا گیا۔