کراچی میں ٹارگٹ کلنگ کا سلسلہ جاری، جماعت اسلامی کےرہنما پرویزمحمود جاں بحق۔ ہلاک ہونے والوں کی تعداد گیارہ ہو گئی۔

کراچی کے علاقے نارتھ ناظم آباد میں سابق ٹاوٴن ناظم لیاقت آباد ڈاکٹر پرویز محمود پر نامعلوم افراد نے فائرنگ کی جس میں وہ شدید زخمی جب کہ ان کے ساتھی جاں بحق ہوگئے تھے۔ ڈاکٹر پرویز محمود اسپتال میں زخموں کی تاب نہ لا سکے اور خالق حقیقی سے جا ملے۔ دوسری جانب کراچی کے مختلف علاقوں میں چوبیس گھنٹوں کے دوران ہونے والے فائرنگ کے مختلف واقعات میں نو افراد ہلاک ہو گئے، پیر کی صبح چڑیا گھر سے اغوا کئے گئے چاردوستوں کی بوری بند لاشیں رات کو شہر کے مختلف علاقوں سے برآمد ہوئیں۔ نیپئر کے علاقے میں فائرنگ سے ایک شخص ناصر کو قتل کیا گیا۔ گلشن اقبال کی رہائشی عمارت سے ماں بیٹی کی لاشیں برآمد ہوئی ہیں۔ کلری میں فائرنگ سے جنان خان جبکہ شاہ فیصل کالونی میں فرحان ہلاک ہو گیا۔ اورنگی ٹاؤن اقبال مارکیٹ میں فائرنگ کے واقعے میں ڈاکٹر شہزاد زندگی سے ہاتھ دھو بیٹھا.