لائنزایریا میں رینجرز اور پولیس کا کومبنگ آپریشن‘ 18افراد گرفتار

کراچی(کرائم رپورٹر) کراچی کے مختلف علاقوں میں رینجرز اور پولیس نے کاروائیوں کے دوران 3 ملزمان سمیت 18 افراد کو گرفتار کر لیا ۔رینجرز نے اولڈ سٹی ایریا کے علاقے رسالہ مین سرچ آپریشن کے دوران علاقے کے داخلے اور خارجی راستے سیل کر کے گھر گھر سرچنگ کرنے کے بعد روانہ ہوگئے۔رینجرز ذرائع کے مطابق سرچ آپریشن مشکوک افراد کی موجودگی کی اطلاع پر کیا گیا تھا، لائنز ایریا اور اے بی سینا لائن میں پولیس کی جانب سے محرم الحرام کی سیکورٹی خدشات کے حوالے سے کومبنگ آپریشن کیا آپریشن کے دوران گھر گھر تلاشی کے بعد ایک ملزم سمیت 15 افراد کو حراست میں لے لیا گیا۔پولیس کے مطابق گرفتار ملزم ناصر عرف کیبل والا کا تعلق گینگ وار سے ہے ملزم بجلی کے غیر قانونی کنڈے لگاتا تھا، سپر مارکیٹ میں بھی پولیس نے کارروائی کرتے ہوئے ڈکیت گینگ گرفتار کرلیا ۔ گرفتار گینگ میں ریحان ، مختیار علی اور علی مرتضیٰ شامل ہیں۔
کومبنگ آپریشن