حسنین نازش کا نیا سفر نامہ ”دیوارِ چین کے سائے تلے“ شائع ہو گیا

اسلام آباد(نیوزڈیسک)افسانہ نگار اورسفرنامہ نگار حسنین نازش کا نیا سفر نامہ بعنوان ”دیوارِ چین کے سائے تلے“ شائع ہو گیا ہے۔ سفر نامے کو مثال پبلیشرز فیصل آباد نے شائع کیا ہے۔ چین کے اس سفر نامے کی اشاعت پر اہلِ قلم، ادبی ناقدین اور عوام نے مصنف کو مبارک باد دی ہے اور اسے جدید سفر نامے میں ایک اہم اضافہ قرار دیا ہے۔ حسنین نازشاس سے پہلے ترکی کا سفر نامہ بعنوان ”قاردش۔سفرنامہ ترکیہ“ ، افسانوی مجموعہ ”پہلی اُڑان“ کے عنوان سے شائع کرچکے ہیں۔