پشاور(بیورورپورٹ)پشاور کے علاقہ ترناب فارم میں گاڑی پر درخت گرنے سے میاں بیوی سمیت 4افراد جاں بحق ہوگئے، ریسکیو 1122کے ترجمان بلال احمد فیضی کے مطابق گزشتہ روز اسلام آباد سے پشاور آنے والی گاڑی نمبر 225پر ترناب فارم کے قریب سڑک کنارے کھڑا درخت آگرا جس کے نتیجہ میں گاڑی کو شدید نقصان پہنچا جبکہ اس میں سوار اجمینہ زوجہ میر اکبر ، عارف ولد میر اکبر اور داﺅد خان موقع پر ہی جاں بحق ہوگئے جبکہ میر اکبر ولد شیر زمان شدید زخمی ہوگیا ، واقعہ کی اطلاع ملنے پر زخمی اور نعشوں کو نکال کر لیڈی ریڈنگ ہسپتال منتقل کردیا گیا جہاں بعد ازاں مجروح میر اکبر بھی زخموں کی تاب نہ لاتے ہوئے دم توڑ گیا ، وقوعہ کے بعد جی ٹی روڈ پر ٹریفک کا نظام بھی درہم برہم ہوگیا ۔