وفاقی وزیر داخلہ شیخ رشید  کا دورہ سیاچین‘گیاری میں  یادگار شہداء پر حاضری دی

اسلام آباد(نیوزرپورٹر) وفاقی وزیر داخلہ شیخ رشید احمد کا دورہ سیاچن گیاری فرنٹ لائین پہنچ گئے۔وزیر داخلہ نے گیاری میں یاد گار شہدا پر حاضری دی   اور   یاد گار شہدا پر پھولوں کی چادر چڑھائی ۔ جمعہ کو اپنے دورے کے دوران انہوں نے برفانی تودہ حادثے میں شہید ہونے والے پاک فوج کے جوانوں کو خراج عقیدت پیش کیاوزیر داخلہ شیخ رشید احمد نے پاک فوج کے جوانوں سے خطاب بھی کیا  اور کہا کہ پاکستان کو آپ پر فخر ہے آپ کی قربانیوں سے پاکستان قائم ہے۔پاک فوج کے جوانوں سے خطاب کرتے ہوئے شیخ رشید نے کہا کہ ملکی دفاع میں پاک فوج نے قابل رشک قربانیاں دی ہیں پوری قوم پاک فوج کی لازوال قربانیوں کی مقروض ہے۔انہوں نے کہا سیاچن میں فرنٹ پوسٹ پر پاک فوج کے جوانوں سے ملاقات میرا ایک دیرینہ خواب تھا خدا کا شکرگزار ہوں کہ میری یہ خواہش پوری ہوگئی۔ وزیر داخلہ شیخ رشیدوزیرِداخلہ کو گیاری تودہ حادثے پر بریفنگ بھی دی گئی اور  یادگاری شیلڈ پیش کی گئی۔سیاچن دورے کے دوران وزیر داخلہ شیخ رشید احمد نے گیانگ کا بھی دورہ کیا۔