دنیاپور ( نامہ نگار) نیوزی لینڈ کا سکیورٹی کے خدشے کا بہانہ بنا کر کرکٹ سیریز کا منسوخ کرنا انتہائی افسوسناک ہے، پاکستان کرکٹ کو ناقابل تلافی نقصان پہنچے گا، کرکٹ بورڈ آئی سی سی میں نیوزی لینڈ کے خلاف بھرپور آواز اٹھائے ان خیالات کا اظہار مقامی کرکٹرز اور شائقین طاہر محمود سلیمی، راؤاجمل ،عرفان باری، طاہر یعقوب، ملک اصغر کھوکھر، محمد اجمل راؤ، خواجہ محمد اشرف اور اکمل صدیقی نے نیوزی لینڈ کرکٹ ٹیم کی جانب سے میچ سے قبل سیریز منسوخ کرنے پر اپنے ردعمل میں کیا ہے انہوں نے کہا کہ یہ پاکستان کے خلاف ایک سازش ہے اس کے پیچھے ازلی دشمن کا بھی ہاتھ ہوسکتا ہے انہوں نے کہا کہ پاکستان کرکٹ کو نقصان پہچانے کی بھونڈی کوشش ہے انہوں نے کہا کہ نیوزی لینڈ کے خلاف آئی سی سی اقدامات کرے اور پی سی بی اسے عالمی سطح پر بھرپور انداز میں اٹھائے انہوں نے کہا کہ شائقین کے لئے یہ خبر کسی بڑے سانحے سے کم نہیں تھی۔