ملتان ( سپیشل رپورٹر) پاکستان پیپلزپارٹی ملتان شہر کے صدر ملک نسیم حسین لابر نے کہا ہے کہ بلاول بھٹو زرداری کا حالیہ دورہ جنوبی پنجاب شاندار اور انتہائی کامیاب رہا میلسی،لیہ، لودھراں،ڈی جی خان،کہروڑ پکا کے ورکرز کنونشن انتہائی کامیاب رہے۔ بلاول کے اس دورے کے دورس نتائج بر آمد ہوں گے۔ ان خیالات کا اظہار انہوں نے سٹی سیکرٹریٹ پر پیپلزپارٹی ملتان شہر کے عہدیداران کے اجلاس سے خطاب کرتے ہوئے کیا اجلاس میں اے ڈی خان بلوچ، ڈاکٹر جاوید صدیقی،ملک ارشد اقبال بھٹہ،منظور قادری،ساجد بلوچ،عرفان انصاری ، ملک ذوالفقار علی بھٹہ،وحید الحسن جانباز ، حفیظ بٹ ، اسحاق بھٹہ،حاجی اکرم،حامد اعوان،اسلم بھٹی،قیصر اعوان دیگر نے شرکت کی۔ اجلاس میں بلاول بھٹو زرداری کے دورہ جنوبی پنجاب کو کامیاب قرار دیتے ہوئے عہدیداران کو مبارکباد دی گئی۔