گوجرانوالہ (نمائندہ خصوصی) چیمبر کا تاج کس کے سر سجے گا فیصلے کی گھڑی آن پہنچی ،دونوں گروپوں کا ایڑی چوٹی کا زور ، چیمبر آف کامرس اینڈ انڈسٹری کے کارپوریٹ کلاس سی کیلئے پولنگ آج ہو گی ،الیکشن کمیشن بورڈ چیمبر آف کامرس بابو امتیاز احمد ، وہاب خاں اور خواجہ فواد کے مطابق مجموعی طور پر سی کلاس کے ووٹرز کی تعداد 1ہزار255ہے اور پولنگ کا عمل صبح 9سے شام پانچ بجے تک بغیر کسی وقفے کے جاری رہے گا۔ ووٹرز چیمبر آف کامرس کے ممبر شپ کارڈ اور قومی شناختی کارڈ لانے کے پابند ہوں گے کسی بھی قسم کا اسلحہ یا ممنوعہ اشیاء لانے والوں کے خلاف قانونی کاروائی کی جائے گی سیکیورٹی کے سخت انتظامات کیے گئے ہیں دونوں گروپو ں کے ووٹرز سپورٹرز اپنے اپنے کیمپوں میں انتخابی مہم چلا سکتے ہیں مخالف گروپ کے کیمپ میں انتخابی مہم چلانے پر سخت پابندی ہو گی دونوں گروپوں کے نامزد کردہ پولنگ ایجنٹ ہی پولنگ اسٹیشن پر موجود ہوں گے۔