اسرائیل کا دمشق ائیر پورٹ پر میزائل حملہ ، 5 فوجی جاں بحق : فلسطینیوں کی کشتیوں پر فائرنگ 

دمشق‘ غزہ (شنہوا،نیٹ نیوز) میزائل حملے کے نتیجے میں 5 شامی فوجی ہلاک ہو گئے۔ متعدد عمارتیں تباہ ہوئی ہیں۔ غیرملکی خبررساں ادارے کے مطابق صیہونی فوج کے دمشق ایئرپورٹ پر کئے جانے والے فضائی حملے میں شامی تنصیبات کو بھی نقصان پہنچا۔ دوسری جانب شام کی وزارت دفاع کی جانب سے بتایا گیا ہے کہ شامی فضائی دفاع نے اسرائیل کی جانب سے کئے گئے حملے کو نہ صرف روکا بلکہ کارروائی کرتے ہوئے زیادہ تر میزائلوں کو مار گرانے میں کامیاب بھی ہوئے۔ میڈیا رپورٹس کے مطابق حملے کی وجہ سے ایئرپورٹ پر پروازوں  کے آپریشن متاثر ہوئے۔ اسرائیلی قابض بحریہ کی گن بوٹس نے جنوبی غزہ کی پٹی میں فلسطینی ماہی گیروں کی کشتیوں پر مشین گنوں سے آنسو گیس کے گولے‘ آگ والے بم داغے۔ میڈیا رپورٹس کے مطابق شدید  فائرنگ نے ماہی گیروں کو سمندر چھوڑنے پر مجبور کر دیا۔