لاہور(خبرنگار)لیڈی وارڈرز کے ٹریننگ کورس کے اختتام پر ویمن جیل ملتان میں پاسنگ آؤٹ پریڈ کا انعقاد کیا گیا ۔جس میں آئی جی جیل خانہ جات پنجاب مرزا شاہد سلیم بیگ نے بطور مہمان خصوصی شرکت کی ،اچھی کارکردگی کا مظاہرہ کرنے والی لیڈی وارڈرز میں انعامات تقسیم کئے گئے ۔ پاسنگ آؤٹ پریڈ کے انعقاد پر آئی جی جیل خانہ جات نے سپرنٹنڈنٹ ویمن جیل ملتان کی کاوشوں کو سراہا،اس موقع پر ڈی آئی جی ملتان ریجن محسن رفیق بھی موجود تھے،آئی جی جیل خانہ جات پنجاب مرزا شاہد سلیم بیگ نے پریڈ کے اختتام پر خطاب کیا جس میں انھوں محکمہ کے فی میل سٹاف کی اہمیت کو اجاگر کرتے انھیں اپنے فرائض منصبی خوش اسلوبی سے ادا کرنے کی ہدایت کی ہے۔