چیئرمین  بورڈ آف ڈائریکٹرز میپکو سے ملازمین کے وفد کی ملاقات‘ بہترین کارکردگی پر اعزازیہ دینے کا مطالبہ

ملتان(نیوز رپورٹر)ریجنل چیئرمین میپکو چوہدری غلام رسول گجر نے چیئرمین بورڈ آف ڈائریکٹرز میپکو سردار جمال خان لغاری و دیگر بورڈ ممبران سے ملاقات کی۔چوہدری غلام رسول گجر نے میپکو ریجن کی لیبر اور ملازمین کی بہترین پرفارمنس اور پاکستان بھر میں پہلی پوزیشن حاصل کرنے پر تفصیلی بریفنگ دی۔ریجنل چیئرمین  نے میپکو کے ملازمین کے لئے  ایک بنیادی تنخواہ بطور اعزازیہ دینے کی گزارش کی۔چیئرمین بورڈ آف ڈائریکٹر جمال خان لغاری نے اس کو حتمی شکل دینے کے لئے کمپنی سیکرٹری  ساجد یعقوب کو ہدایات بھی جاری کیں۔ ریجنل چیئرمین کے ہمراہ شکیل بلوچ،رانا محمد انور،سجاد بلوچ،چودھری خالد،رانا زاہد جاوید،میاں علیم پاشا،راشد یامین،رانا محمد عمران،چوہدری اظہر حسین،اکرام آرائیں،وقاص بلوچ،سجاد مستوئی،عرفان باجوہ،مظہر عباس و دیگر عہدے داران کارکنان و ذمہ داران ہمراہ تھے۔