کپتان کے ایشو پر بات کرنیوالے بڑے نیوٹن ‘آئن سٹائن ہیں : ثقلین مشتاق

لاہور(سپورٹس رپورٹر)سابق ہیڈ کوچ قومی کرکٹ ٹیم ثقلین مشتاق نے کہا ہے کہ جو لوگ کپتان کے ایشوز پر بات کر رہے ہیں میرا خیال ہے یہ بہت بڑے نیوٹن اور آئن سٹائن ہیں۔جو لوگ نیوٹن اور آئن سٹائن ہیں ان کے اندر پورے پاکستان کا غم بھرا ہوئے ہیں، یہ پاکستان کے بہت بڑے خیر خواہ ہیں۔انہوں نے کہا ہے کہ ٹیم ورلڈ کپ کیلئے جارہی ہے، یہ کپتان کی کارکردگی پر سوالیہ نشان اٹھانا شروع ہو گئے ہیں، یہ کپتان کے تختے الٹا رہے ہیں اور بہت بڑے بڑے دعوے کر رہے ہیں۔ پچھلی دفعہ جب میں قومی ٹیم کے ہیڈ کوچ کی حیثیت سے ورلڈ کپ کیلئے جارہا تھا تو اس وقت بھی ایسی بہت ساری باتیں چلی تھیں۔فرمائشیں آرہی تھیں اسے نکال دواور اسے کھلاڑی کو رکھ لو،کپتان کے یہ ایشو چل رہے ہیں۔اب ورلڈ کپ کو ہفتہ یا دس دن رہ گئے ہیں اور انہوں نے پھر سے اس طرح کی باتیں شروع کر دیں ہیں، خدا کا واسطہ بس کر دیں۔ پورے سوشل میڈیا پر بھرمار ہے، کسی کی چڑیا، کسی کی فاختہ تو کسی کا طوطا او کوئی کبوتر لے کر سب نے چڑیا گھر کا ماحول بنایا ہوا ہے۔