لاہور(کامرس رپورٹر)پنجاب سمال انڈسٹری کوآپریٹو ہاﺅسنگ سوسائٹی کے جنرل سیکرٹری کامران سعید عثمانی نے کہا ہے کہ اہلیان سوسائٹی کو بہترین سہولیات فراہم کر رہے ہیں۔ رہائشیوں کو ڈینگی سے بچاﺅ کیلئے سپرے کرایا گیا ہے، صفائی ستھرائی کا کام جاری ہے، پارکوں کو بہترین بنایا جا رہا ہے۔ سیوریج کا بہترین نظام ہے۔سرپرست اعلیٰ سعید عثمانی کی سرپرستی میں سوسائٹی کو لاہور کی بہترین سوسائٹی بنائیں گے۔انہوں نے مزید کہا کہ سوسائٹی میں سکیورٹی کا بہترین انتظام ہے، جگہ جگہ پر سی سی ٹی وی کیمرے نصب کئے گئے ہیں، گیٹس پر گارڈز اپنی ڈیوٹی سر انجام دیتے ہیں۔ ہماری کوشش ہے کہ اہلیان سوسائٹی کو ہر وہ سہولیات مہیا کریں جس کی وہ خواہش رکھتے ہیں۔