سرگودھا: تیز رفتار بس‘ کار میں تصادم‘ 3 افراد جاں بحق‘ 2 زخمی

سرگودھا‘ میانوالی ‘کامونکی (نمائندہ خصوصی + نامہ نگار) تیز رفتار مسافر بس کا کار سے تصادم‘ تین افراد جاں بحق اور دو زخمی جبکہ ان کے ساتھ سوار ان کا قیمتی کتا السیشن کتا بھی ہلاک ہو گیا جو شوقین ہونے پر قیمتی کتا بھکر سے خرید کر واپس بھلوال آ رہے تھے۔ پولیس متوفین کی نعشیں اور زخمیوں کو ہسپتال منتقل کر کے مصروف تفتیش ہے۔ ذرائع کے مطابق سرگودھا کی تحصیل بھلوال کے پانچ دوست علی حمزہ، علی ممتاز، زین اعجاز، منیب رضا اور موجز احمد اعلی نسل کا قیمتی کتا لینے سرگودھا سے بھکر گے اور قیمتی کتا السیشن لیکر واپس کار پر سرگودھا آ رہے کہ قصبہ نورپور تھل کے علاقہ آدھی کوٹ واپڈا کالونی کے قریب لاہور سے آکر بھکر جانے والی تیررفتار مسافر بس نے ان کی کارکوکچل دیا۔ حادثہ کی اطلاع ملتے ہی پولیس اور ریکسیو 1122 کی ٹیمیں موقع پر پہنچ گئیں اور متوفین کی نعشیں اور زخمیوں کو کار کاٹ کر نکالا گیا جن کو ٹی ایچ کیو ہسپتال منتقل کر کے پولیس تھانہ نورپور تھل مصروف تفتیش ہے۔تیز رفتاری کے باعث آئل ٹینکر سے تصادم کے نتیجہ میں کار سوار دادا اور پوتا جاں بحق جبکہ خاتون سمیت تین افراد شد ید زخمی ہوگئے۔نیو ماڈل ٹاو¿ن کا بتیس سالہ سفیان اپنے والد محمد یوسف کو لاہور ائیر پورٹ چھوڑ کر فیملی کے ہمراہ واپس آرہاتھا کہ جی ٹی روڈ سادھوکی کے قریب تیز رفتاری کے باعث ا±سکی کار آگے جانے والے آئل ٹینکر سے ٹکرا گئی جس کے نتیجہ میں سفیان ا±سکا 88سالہ دادا بشیر احمد زخموں کی تاب نہ لاتے ہوئے موقع پر جاں بحق جبکہ مظہر، عثمان اور صفیہ شدید زخمی ہوگئے۔