اسلام آباد: ٹریل 5 پر بیگ سے اسلحہ‘ دستی بم‘ ریڈ زون نقشہ برآمد

اسلام آباد (نوائے وقت رپورٹ) اسلام آباد کے مارگلہ ہلز کی ٹریل فائیو پر دستی بموں اور اسلحے سے بھرا بیگ ملا ہے۔ پولیس کے مطابق تھانہ سیکرٹریٹ کی حدود ٹریل فائیو کے قریب سے بیگ ملا جس سے ایک 9 ایم ایم پستول، 50 گولیاں برآمد کر لی گئیں۔ پولیس نے بتایا کہ بیگ سے 3 دستی بم اور ریڈ زون ایریا کا نقشہ بھی ملا ہے۔ بم ڈسپوزل سکواڈ (بی ڈی ایس) نے دستی بم ناکارہ بنا دئیے۔ پولیس نے بیگ اور سامان کو قبضے میں لے لیا۔