بہاولپور ڈویژن میں پاک فوج کی جانب سے فری میڈیکل اینڈ سرجیکل آئی کیمپ

بہاولپور (نوائے وقت رپورٹ) پاک فوج کی جانب سے بہاولپور ڈویژن کے دور دراز علاقوں میں فری میڈیکل اینڈ سرجیکل آئی کیمپ کا قیام سول ایڈمنسٹریشن اور سیلانی انٹرنیشنل ویلفیئر ٹرسٹ کے تعاون سے 1 تا 16 ستمبر 2023ءکیا گیا۔ اس دوران پاک فوج کی جانب سے بہاولپور، حاصل پور، احمد پور ایسٹ، یزمان اور لیاقت پور میں موتیا کی سرجری، جنرل میڈیکل، چائلڈ اور گائنی او پی ڈیز کی سہولیات پر مشتمل جامع ہیلتھ کیمپ لگایا گیا۔ میڈیکل کیمپ کے دوران ڈاکٹروں کی جانب سے 1000 سے زائد مفت آنکھوں کے آپریشن کیے گئے اور تقریباً 10000 مریضوں کا مفت طبی معائنہ کیا گیا۔ سرجریوں کے لیے جدید ترین لیزر سرجیکل اور تشخیصی آلات استعمال کیے گئے۔ مریضوں کو مفت چشمے اور ادویات بھی فراہم کی گئیں۔ جامع صحت کیمپ چولستان کے دور دراز علاقوں اور اس سے ملحقہ آبادی والے علاقوں تک پہنچنے کے لیے پاک فوج کے اقدام کا حصہ ہے۔