ماحولیاتی تبدیلی سے نمٹنے ، پاکستان کی استعداد بڑھانے کیلئے مدد کررہے ہیں :اینڈریو شوفر

کراچی (نوائے وقت رپورٹ) امریکی مشن کے نائب سربراہ اینڈریو شوفر نے کہا کہ ماحولیاتی تبدیلی سے نمٹنے اور پاکستان کی استعداد بڑھانے کیلئے مدد کررہے ہیں۔ ترجمان امریکی سفارتخانہ کے مطابق امریکی مشن کے نائب سربراہ اینڈریو شوفر نے 13 تا 16 ستمبر تک کراچی کا دورہ کیا۔ اینڈریو شوفرکا دورہ امریکا اور سندھ کے عوام کے درمیان مضبوط شراکت داری کواجاگر کرتا ہے۔ اینڈریو شوفردوسرے گرین شپنگ گول میز اجلاس میں بطور میزبان شریک ہوئے۔ ترجمان نے مزید بتایا گول میز مباحثے کا اہتمام یو ایس ایڈ اور پاکستان ریجنل اکنامک انٹیگریشن ایکٹیوٹی کے اشتراک سے کیا گیا، اینڈریوشوفر نے گرین شپنگ گول میز کانفرنس سے خطاب بھی کیا۔ اینڈریو شوفر نے کہا ہم ماحولیاتی تبدیلی سے نمٹنے اور پاکستان کی استعداد بڑھانے کیلئے مدد کر رہے ہیں۔ امریکی سفارتخانے نے مزید بتایا امریکی مشن کے نائب سربراہ نے لنکن کارنرز کراچی کا دورہ بھی کیا۔ اینڈریو شوفر نے طلبائ، کاروباری افراد اور رضاکاروں سے ملاقات کی، اینڈریو شوفر نے کراچی میں مذہبی اقلیتی رہنماو¿ں سے بھی ملاقاتیں کیں۔