”ٹریک ٹوٹا ہے“ راہگیر کی بروقت اطلاع، راوی ایکسپریس برے حادچہ سے بچ گئی

پیرمحل(نا مہ نگار) راہ گیر کی بروقت اطلاع پر راوی ایکسپریس بڑے حادثہ سے بچ گئی۔ شورکوٹ کینٹ سے روانہ ہو کر براستہ پیر محل لا ہور آنے والی راوی ایکسپریس پیر محل ریلوے سٹیشن سے روانہ ہو ئی تو ریلوے پھاٹک کے قریب سے پیدل گزرنے والے ایک راہ گیر نے ٹریک ٹوٹے ہو نے کی اطلاع پھاٹک بند کرنے والے ملازم کو دی ۔ جیسے ہی ٹرین قریب آئی ریلوے ملازم نے سرخ جھنڈی لہرا کر ڈرائیور کو رکنے کا اشارہ کیا تو ڈرائیور نے ایمر جنسی بریک لگا کر ٹرین کو روک دیا۔ ٹریک کے ٹوٹے ہونے کی اطلاع ملتے ہی محکمہ ریلوے کے افسر فوری موقع پر پہنچ گئے اور ٹریک کو درست کرا کر راوی ایکسپریس کو منزل کی جانب روانہ کر دیا۔