ڈاکٹر خیام حفیظ کی ہمشیرہ کی وفات پربلاول بھٹو سمیت اعلیٰ قیادت کی تعزیت

لاہور(نامہ نگار)پیپلز ڈاکٹرز فورم وسطی پنجاب کے صدر ڈاکٹر خیام حفیظ کی ہمشیرہ ڈاکٹر فوزیہ حفیظ وفات پا گئی ہیں۔پاکستان پیپلز پارٹی کے چیئرمین بلاول بھٹو زرداری اورپیپلز پارٹی وسطی پنجاب کی قیادت نےڈاکٹر خیام حفیظ کی ہمشیرہ ڈاکٹر فوزیہ حفیظ کی وفات پر اظہار افسوس کیا ہے۔پی پی پی چیئرمین بلاول بھٹو زرداری نے پیپلز ڈاکٹرز فورم وسطی پنجاب کے صدر ڈاکٹر خیام حفیظ سے ان کی ہمشیرہ ڈاکٹر فوزیہ حفیظ کی رحلت پر افسوس و ہمدردی کا اظہارکیا ہے۔ انہوں نے مرحومہ کیلئے جنت الفردوس اور سوگوار خاندان کیلئے صبر جمیل کی دعاءکی ہے۔