خاصہ دار فورس ذرائع کا کہنا ہے کہ افغانستان میں نیٹو فورسز کو تیل سپلائی کرنے والے دو آئل ٹینکرز میں جمرود بازار کے قریب پاک افغان شاہراہ پر زور دار دھماکا ہوا، آئل ٹینکروں  میں دھماکے کے بعد آگ بھڑک اٹھی جس نے نیٹو فورسز کے لئے سامان لے جانے والے کنٹینر اور پاک افغان شاہراہ پر واقع قریبی دکانوں کو بھی اپنی لپیٹ میں لے لیا، تاہم فائربریگیڈ نے جائے حادثہ پہنچ کر آگ پر مکمل قابو پالیا ہے۔ حادثہ میں کسی بھی جانی نقصان کی اطلاع نہیں ملی ۔