ڈسکہ سے وقت نیوزکےنمائندے کے مطابق سیالکوٹ سے گوجرانوالہ جانے والی کوسٹر کا موضع اوٹھیاں کے قریب اچانک ٹائر پھٹ گیا اور وہ بے قابو ہو کر سامنے سے آنے والے کیری ڈبہ اور موٹر سائیکل سے ٹکرا گئی۔ حادثے کے نتیجے میں موضع داود کے کی رہائشی کمسن بہنیں عافیہ، مسکان اور ان کا بھائی جہانزیب، کیری ڈبہ کا ڈرائیور شاہد اور موٹرسائیکل سوار رستم خان موقع پر ہی جاں بحق ہو گئے۔جبکہ مظہر اسکی بیوی یاسمین اور بیٹی سخن شدید زخمی ہو گئے جنہیں تشویشناک حالت کے باعث گوجرانوالہ منتقل کردیا گیا ہے۔