سینٹ لوشیا میں کھیلے گئے میچ میں پاکستان نے ٹاس جیت کرپہلے بیٹنگ کا فیصلہ کیا۔ اوپنراور کپتان محمد حفیظ کی ذمہ دارانہ بیٹنگ کی بدولت گرین شرٹس نے مقررہ پچاس اوورزمیں ٹوٹل کودوسو ستاسی تک پہنچایا۔ توفیق عمر نے چوالیس رنز کااچھا آغازدیا۔ محمد حفیظ نے جب اپنی سنچری مکمل کرنے کے بعد مزید تین رنز کا اضافہ کیا تو دوسرے بیٹسمین کو موقع دینے کی غرض سے انہیں واپس بلا لیا گیا۔ احمد شہزاد نے اننچاس اور عمر اکمل نے اٹھاون رنز کی ناٹ آؤٹ اننگز کھیلی۔ جواب میں یونیورسٹی وائس چانسلرز الیون کی ٹیم دوسوبیس رنزبناسکی۔ قومی ٹیم کے مینجرانتخاب عالم نے بتایا کہ کپتان شاہد آفریدی اورمصباح الحق سمیت سعید اجمل اورصدف حسین کوآرام دیا گیا ہے۔