موناکو (سپورٹس ڈیسک) پاکستانی ٹینس سٹار اعصام الحق اوربھارتی پارٹنرروہن بوپننا کا مونٹی کارلوماسٹرز ٹورنامنٹ کے کوارٹر فائنل میں سفرختم ہوگیا۔ پاکستان بھارت جوڑی کوکروشیا کے ایوان ڈوڈج اوربرازیل کے مارسیلومیلوکے پئیرسے سات چھ اورسات پانچ سے  شکست کا سامنا کرنا پڑا‘حریف جوڑی سیمی فائنل میں  پہنچ گئی۔ سپین کے ڈیوڈ فیرر نے ہم وطن رافیل نڈال کو  ہرا کر سیمی فائنل میں جگہ بنا لی۔فیرر نے چھ چار اور چھ دو سے کامیابی سمیٹی۔ سٹانیلاس واورنیکا نے میلوس راؤنک، راجر فیڈرر نے جووالفرائیڈ تسونگا کو شکست دے کر سیمی فائنل میں جگہ بنا لی۔سربین سٹار نووک جوکووچ نے گوئیلر موگارشیا لوپیز کو آخری کوارٹرفائنل میں شکست دے کر سیمی فائنل میں جگہ بنا لی۔